“МЖ Девелоперс” халқаро қурилиш компанияси Наманган Сқуаре йирик лойиҳасининг бошланганини эълон қилди. Компания матбуот хизматининг «Дарё»га хабар беришича, минтақадаги биринчи Смарт Ситй 18 гектар майдонда Бразилия, Ҳиндистон, БАА, Россия ва бошқа мамлакатларда йирик лойиҳаларни амалга ошириш тажрибасига эга ишлаб чиқарувчи томонидан қурилади.
Фото: «Дарё»
“Наманган асрлар давомида ҳунармандчилик ва ўзига хос архитектура маркази бўлиб келган. Наманган Сқуаре тушунчасини яратишда бизнинг меъморларимиз ва дизайнерларимиз Фарғона водийси ушбу дурдонасининг ажойиб тарихидан илҳом олишди. Ушбу шаҳар Евросиё савдо йўллари чорраҳаларида ташкил этилганидан бери муҳим иқтисодий марказга айланди ва бизнинг лойиҳамиз унинг бизнес фаолияти учун органик қисм ва диққатга сазовор жой бўлиш учун яратилган. Биз 2021 йилда Наманган Сқуаре 10000 фуқаронинг уйига айланишини кутмоқдамиз”, — дейди “МЖ Девелоперс” ҳаммуассиси Анкит Жалан.
Тахминан 325 000 квадрат метр иш жойлари, турар жойлари ва чакана савдо майдончаларини 10 гектардан ортиқ парк майдонида ноёб ландшафт дизайн билан қуриш режалаштирилган бўлиб, у замонавий ечимларни Наманган боғдорчилигининг қадимий анъаналари билан уйғунлаштиради.
Пухта ўйланган спорт ва ҳордиқ чиқариш муҳити Наманган Сқуаре аҳолиси ва меҳмонларига югуриш ва велосипед йўлларидан ташқари воркаут ва скейтинг учун тўлақонли майдонларни, шунингдек, баскетбол, теннис, футзал ва гольф машқлари учун майдонларни тақдим этади. Илғор «яшил» технологиялар Наманган Сқуареъни энг экологик қулай туманга айлантиради, бу эса уларни кейинчалик шаҳар ва вилоят бўйлаб тарқатишга имкон беради, дейилади хабарда.
Наманган Сқуареънинг асосий безаги ноёб дизайн ва конструкцияли икки бино бўлади. Фарғона водийсидаги ушбу биринчи осмонўпар бинолар, шубҳасиз, вилоятнинг диққатга сазовор жойлари ва унинг энг юқори меъморий тузилмалари рўйхатини тўлдиради.
Наманган Сқуаре лойиҳалаштириш 50 миллион квадрат метрдан ортиқроқ архитектура тажрибасига эга дунёга машҳур ҳинд архитектори Ҳафиз Контрактор томонидан амалга оширилди.
